Bota e Gruas

Si duhet të jetë rutina e ditës nga mosha 0-3 muajshe?

Rutina është shumë e rëndësishme nëse duam  që fëmija të bëjë gjumë të qetë dhe cilësor. Në momentin që ju krijoni dhe ndiqni një rutinë për fëmijën automatikisht keni dhënë ndihmën që të rregullojë ciklin gjumë/zgjim dhe padyshim do të krijohet tek ai një model aktivitetesh që do të ndiqen gjatë ditës. në këtë formë fëmija do të fillojë të kuptojë atë ç’ka do të vijë më pas duke krijuar edhe njëfarë sigurie.

Sigurisht që në këtë moment të jetës, pra ndërsa fëmija është ende një i porsalindur, rutina duhet të jetë e thjeshtë dhe nuk duhet të zgjasë shumë. Rekomandohet që mesatarisht ajo të jetë 15 minuta. Dhe normalisht radha e veprimeve që kryhen gjatë ditës nuk duhet të jetë e njëjtë me veprimet që bëhen gjatë natës. Duke kryer të njëjtat veprime me të njëjtën radhë, në të njëjtin moment fëmija do të mësojë të lidhë atë ç’ka ndodh me momentin e gjumit.

“Në momentin që ju këndoni një ninullë pasi keni kryer edhe disa veprime të thjeshta fëmija me kalimin e kohës do të njohë afrimin e momentit të gjumit duke qënë se do të mësohet që pas asaj ninulle vjen kalimi në shtratin e vet”.

Rutina e një të porsalinduri (Ushqim-Aktivitet-Lojë-Gjumë)

  •  Ushqim-> Nëse fëmija do të ushqehet sapo të zgjohet nga gjumi do të jetë edhe më aktiv në ushqyerje. Pra do të thithë me më tepër forcë dhe normalisht do të stimulojë më mirë gjirin.
  • Aktivitet-> Ndërsa fëmija është një i porsalindur aktiviteti që kryhet është ndërrimi i pelenës apo ndërrimi i veshjeve.
  • Loja-> Edhe në këtë rast veprimet janë shumë të thjeshta pasi edhe hapësira e qëndrimit zgjuar që kemi në dispozicion deri në gjumin e radhës do të jetë e limituar. Të mos harrojmë se një bebe e porsalindur nuk rekomandohet të qëndrojë zgjuar më tepër se 60 minuta për arsye të tejlodhjes që mund të shkaktohet. Loja mund të përfshijë përkëdheljet në krahët tuaj, një këngë të qetë, qëndrimin barkaz për disa sekonda. Pra ndërveprimin tuaj me fëmijën duke ju përshtatur moshës.
  • Gjumi-> Pasi janë kryer të gjithë aktivitetet me një radhë të caktuar shkojmë në shtrat. Në këtë moment mund të ndihmoni fëmijën me anë të përkundjeve të bjerë në gjumë nëse nuk është në gjendje ta bëjë vetë.

Rutina e fëmijës të porsalindur gjatë natës (Gjumë-Ushqim-Gjumë)

Kjo është një radhë ideale veprimesh që rekomandohet të ndiqni gjatë natës në mënyrë që të shmanget ndërveprimi me fëmijën. Ushqeni fëmijën në qetësi gjatë natës, mos e stimuloni, dhe ndërsa ka përfunduar vaktin e vendosni në shtratin e vet.

Kjo lloj rutine mund të jetë e përshtatshme edhe gjatë javëve të para të jetës kur fëmija nuk bën gjë tjetër veçse ushqehet dhe fle si edhe gjatë shpërthimeve në rritje që përgjithësisht ndodhin gjatë:

  • Ditës 7-10 të jetës;
  • Javës 2-3;
  • Javës 4-6;
  • Muajit 3.

Rutina e të porsalindurit gjatë ditës në formën Gjumë-Aktivitet-Ushqyerje-Gjumë

Duke e ushqyer fëmijën me qumësht gjiri apo biberon do të vini re se ai do të bjerë në gjumë me më tepër lehtësi gjatë vaktit. Është tërësisht normale që kjo të ndodhë, dhe madje për shumë nëna kjo lloj rutine mund të jetë praktike duke qënë se e ndihmon fëmijën  të bjerë në gjumë pa shumë mundim. Nuk duhet të shqetësoheni nëse kjo ndodh edhe pse mund të jeni të vëtedijshme se kjo po krijon një ves gjumi.

Në këtë rast ka disa masa që mund të merrni për të parandaluar krijimin e një vesi duke u përpjekur ta mësoni fëmijën gradualisht të bjerë në gjumë pa ndihmën tuaj. Në këtë rast, nëse fëmija juaj e ka krijuar pak a shumë një ves të tillë provoni që pasi ka pirë ta zgjoni duke e bërë të gromësijë, të ndërroni pelenën apo duke të këndoni një ninullë në krahët tuaj. Këto veprime do të bëjnë që fëmija gradualisht të zgjohet.

Në këtë rast vendosni fëmijën në shtrat zgjuar por në gjendje gati përgjumësh. Këtë e bëni fillimisht (siç është shpjeguar edhe tek plani konkret) në gjumin e mbrëmjes dhe në momentin që ky është stabilizuar kaloni tek dy dremitje gjatë ditës. Pra në këtë formë fëmijës i mësohet të bjerë në gjumë pa thithur.

12 thoughts on “Si duhet të jetë rutina e ditës nga mosha 0-3 muajshe?

  1. Kur e vendos pergjumur ne krevatin e tij fillon te shperthej ne te qara dhe nk ndalon pavarsisht se perkedhel ne kok me cuc dhe perfunoj duke e mar ne krah dhe e perkund vetem keshtu mund te fler😢

    1. Ergesa pershendetje e dashur.

      E ke ndjekur programin tek video ne lidhje me tekniken qe duhet te perdoresh, kur dhe si duhet bere nderhyrja ne varesi te moshes e femijes? Me trego me teper te lutem si tenton per ta vene ne gjume. Cfare oraresh ndjek, sa muajsh eshte fiks, dhe ne sa momente gjate dites tenton per ta mesuar te fleje pa ndihmen tende?

      1. Pershendetje
        Eshte 2 muajsh ,e provuam dje 2 her te flninim vetem ne krevat fjeti i qet por ne dark pati nje kriz 2orshe spranonte kurrsesi krevatin i vetem ,nuk donte te tundej por donte te flinte ne krahet e mi

        1. Pershendetje beba ime esht 2 muajshe diten e kam problem ta ve ne gjum ne krevat vetem nese e ve ne karroc e dal per shetitje hatere flen super ,kurse metoden e mbremjes jam tuje praktiku me ka ndimu shum nga zgjimet e shpeshta tani bebja ime zgjohet vetem 3 her , si tja bej per diten ?

          1. Fitore pershendetje e dashur.

            Ne kete rast fillo te punosh se pari me nje dremitje, fokusohu tek ajo. Duke ndjekur dhe respektuar si fillim kohen e qendrimit zgjuar zbato rutinen dhe shko ne dhomen e gjumit. Apliko metoden e ndjekur ne mbremje per te stabilizuar kete dremitje. Me pas kalo tek te tjerat. Me shume durim pasi ne kete moshe duhet ti marrim gjerat ne menyre shume graduale. E rendesishme eshte qe hapin e pare e kemi hedhur dhe jemi duke ecur mire. Deri ne kete moment si ke vepruar persa i perket dremitjeve?

        2. Ergesta ne kete rast prit minutazhin para se te pergjigjesh dhe me pas provo per 15 minuta te qetesosh femijen si ne momentin e mbremjes. Nese nuk qetesohet dhe mendon se ka uri jepi te pije, qtesoje sepse ndoshta mund te kete shqetesim edhe dhimbjet e barkut dhe me pas tento ta vendosesh serish ne shtratin e vet zgjuar.
          Me kalimin e diteve do te mesohet, duhet shume durim. Ndiq me perpikmeri hapat e programit dhe jepi vetes si edhe djalit kohe. Nje permiresim sado i vogel do te thote shume. Per cdo gje te lutem komento dhe te marresh pergjigje ne menyre qe te mos i kesh gjerat e paqarta.

          Te pershendes.

  2. Pershendetje e dashur!
    Deri tani qe kemi rregulluar plotesisht dremitjet e gjumit te dites, kemi arritur ne perfundimin se, goca eshte shume me e qete darkave, tashme kur e ve te fjele ne oren 8:30 te darkes max deri ne oren 9:00 ajo ka fjetur top, nderkohe qe me pare kur sja kishim haberin ate e zinte gjumi ne oren 11 te darkes pas 3 ore perpjekje ne krahe dhe ishte e grindur cdo mbasdite. Kjo gje lidhej edhe me mengjeset qe zgjohej heret, nderkohe qe tani zgjohet vec 2 here naten qe pi dhe ne mengjes ne 7 pa pak por une e mbaj ne gji ne gjume deri ne 7 fiks, pra ja zgjas vete (se di a eshte gabim kjo gje).
    Shume shpejt do kemi perfundime edhe persa i perket tundjes se darkes…
    Je shpetim i nenave te reja dhe teme e muhabetit qe une bej me cdo person hahah 😘😘❤️❤️

    1. Hahahahahahah faleminderit shume shume <3 dhe bravo edhe ty per vullnetin e treguar per te arritur rezultatet qe doje.

      Te falenderoj shume shume per komentin 🙂

  3. Artemis e dashur si je?
    Me duket se e mora mesysh vajzen hahah
    Ka dy dite qe dy dremitjet e para te dites i ka me largesi 1.5 ore ndersa te dremitjet e tjera rri nga 2 ore ose 2 ore e pak, dremitjet i ka te shkurtra…
    Keshtu po qendron vete kjo, cfare te bej?

    1. Gjithashtu edhe kur e ze gjumi gjate dites sapo e vej ne krevat zgjohet, a ka lidhje qe eshte 3 muajshe me regresin e muajit te 4???

  4. Persbendetje e dashur , u ben 6 dit perdor tekniken e gjumit te darjes 3 netet e para ka shkuar mir kurse qe 3 net jo spari her kur e vendos ne gjum ne kra e vendos te krevati vet leviz provon te qohet ja ve doren tek shpina si e trfoni edhe ju ne program dhe fle po kur te zgjohet per tu ushqy me nuk deshiron te fle tek krevati plus qe gjat dites shum kam.problem vetem nga 30 minuta fle

  5. Persbendetje e dashur , u ben 6 dit perdor tekniken e gjumit te darjes 3 netet e para ka shkuar mir kurse qe 3 net jo spari her kur e vendos ne gjum ne kra e vendos te krevati vet leviz provon te qohet ja ve doren tek shpina si e trgoni edhe ju ne program dhe fle po kur te zgjohet per tu ushqy me nuk deshiron te fle tek krevati plus qe gjat dites shum kam.problem vetem nga 30 minuta fle

Leave a Reply

Share:

Share on facebook
Share on twitter
Share on pinterest
Share on linkedin
Më të shikuarat

Postime të ngjashme

Share:

Share on facebook
Share on twitter
Share on pinterest
Share on linkedin