Përshëndetje jam Artemisa! 

Për të gjithë nënat që vijnë për herë të parë në këtë blog, ju them se në vazhdim unë do të jem ndihma juaj më e madhe përsa i përket problemeve që mund të keni me gjumin si edhe ushqyerjen me gji të fëmijës.

Që prej vitit 2015 i jam përkushtuar profesionit si konsulente gjumi dhe laktacioni (e çertifikuar) dhe mund të them se kjo nuk është vetëm një rrugë për të lehtësuar jetën e nënave të reja por edhe një pasion shumë i madh i imi.

Për të qënë më pranë secilës nënë kam krijuar disa programe të cilat do të zgjidhin probleme të ndryshme përsa i përket dy proçeseve tepër sfidues siç është gjumi dhe ushqyerja me gji e fëmijës.

Çfarë kanë të veçantë programet e mia të gjumit?

Qasja që nënave ju sugjerohet të ndjekin. Për herë të parë në Shqipëri u kapërcyen dhe lanë pas rregullat shumëvjeçare “lere fëmijën të qajë që të mësojë të flejë ndryshe”. Për herë të parë nënat u orientuan drejt një metode të butë, tepër graduale, që ka pasur gjithmonë në fokus ndryshimin e butë dhe jo të menjëhershëm pavarësisht problemeve me të cilat nëna po përballej.