Lëkura e të porsalindurit është mjaft delikate dhe e hollë krahasuar me atë së të rriturve. Duke qënë kështu ajo do të jetë më e prirur të thahet sidomos në stinën e dimrit.
Rekomandimet tona në lidhje me trajtimin si edhe mbajtjen nën kontroll të problemit
- Mos i zgjasni shumë banjot e fëmijës. Jo më tepër se 10 minuta dhe i limitoni ato deri në 3 herë në javë. Në të kundërt lëkura e fëmijës mund të thahet.
- Mos përdorni gjatë banjos ujë të nxehtë pasi uji disi i vakët në mënyrë që të mos thahet lëkura e bebes.
- Në momentin që blini produktet e bebes merrni parasysh faktin që të jenë pa përmbajtje sapuni, pa aromë, që nuk shkaktojnë alergji.
te perdorni kete dimer
- Mos e fërkoni lëkurën e fëmijës por e prekni lehtë me peshqir.
- Mos mbani temperaturën e shtëpisë shumë të lartë.
- Gjatë shëtitjeve në mot të ftohte duhet të përdorni doreza dhe kapele në mënyrë që lëkura e fëmijës të mos thahet më tepër. Këshillohet së tepërmi përdorimi i kremit hidratues në pjesën e fytyrës.
- Detergjenti i veshjeve të bebes duhet të jetë delikat dhe patjetër specifik për moshën e tij. Kontakti me veshjet e lara me një detergjent delikat nuk do të shkaktojë irritime tek i porsalinduri.
- Hidratoni, hidratoni, hidratoni lëkurën e bebes. Pas çdo larje në të gjithë trupin aplikoni kremin hidratues dhe normalisht edhe në fytyrë.
- Hidhni në ujin ku fëmija lahet miell tërshëre enkas për banjot e bebit.
Nëse lëkura e fëmijës ka filluar të thahet duhet patjetër të kontaktoni mjekun në mënyrë që t’ju rekomandojë produkt specifik për trajtim më të thellë.
