Sipas ekspertëve shtatzania e dytë mund të ndryshojë disi nga e para, normalisht nuk duhet të harrojmë se varet edhe nga nëna. Pra gra të ndryshme kalojnë eksperienca dhe simptoma të ndryshme.
Por përgjithësisht, si ndryshon shtatzania e dytë nga e para?
- Barku rritet më herët se në shtatzaninë e parë. Kjo pasi muskujt janë dobësuar disi.
- Edhe gjoksi pëson ndryshime, krysisht do të jenë më të dhimbshëm dhe të tendosur krahasuar me shtatzaninë e parë. Edhe ngjyra e areolës do të jetë më e errët.
- Lëvizjet e fetusit do të ndihen më herët. Tashmë ju do të jeni në gjendje t’i identifikoni më herët se në shatztaninë e parë.
- Kontraksionet parapërgatitore janë ndryshe. Do të filloni t’i ndieni më herët.
- Lindja do të jetë më e shkurtër. Duke qënë se njëherë trupi juaj ka kaluar procesin e lindjes do të duhet më pak kohë që qafa e mitrës të hapet.
- Lodhja që do të ndieni përgjithësisht në shtatzaninë e dytë do të jetë më e madhe krahasuar me të parën.
- Fëmija mund të qëndrojë më poshtë në zonën e barkut duke qënë se muskujt e barkut do të jenë më të dobët.
- Dhimbjet pas lindjes mund të jenë disi më të forta duke qënë se uterusi në shtatzaninë e dytë zgjerohet më tepër se në shtatzaninë e parë.
- Gjidhënia do të jetë më e thjeshtë. Ju tashmë do të keni një ide më tepër rreth procesit dhe pozicionimit të fëmijës.
