Lodhja është një simptomë që na prek të gjithave në shtatzani, sidomos nësë gjatë ditës koha e kaluar me aktivitete është e madhe.
Megjithatë, cfarë e shkakton këtë lodhje?
Është një nga shenjat e hershme të shtatzanisë dhe të gjithë femrat në pritje të një fëmije e përjetojnë gjatë tremujorit të parë. Fillon që në momentin e implantimit të embrionit në mitër dhe fillon të reduktohet rreth fillimit të tremujorit të dytë.
- Ndryshimi hormonal ndikon në shfaqjen e këtyre simptomave. Në momentin që ngelni shtatzanë hormone përsojnë luhatje dhe progresteroni është një prej hormoneve niveli i të cilit fillon të rritet në shtatzani. Kjo zakonisht pasohet nga rënia e energjisë gjatë tremujorit të parë.
- Rritja e volumit të gjakut është një tjetër faktor që ndikon në shtimin e lodhjes gjatë shtatzanisë. Duke qënë se zemra fillon të pompojë më tepër gjak ajo fillon të punojë edhe më fort duke bërë që të rritet niveli i lodhjes që do të ndieni.
- Anemia. Niveli i ulët i hekurit apo numri i vogël i qelizave të kuqe të gjakut ndikon në rritjen e nivelit të lodhjes që do të shfaqet.
