Sipas OBSH, nëna e re duhet fillimisht t’i ofrojë fëmijës qumështin e gjirit, edhe nëse nuk është e bindur në lidhje me sasinë që arrin të prodhojë. Më pas duhet t’i ofrojë të voglit qumështin e gjirit që ka arritur të nxjerrë me pompë dhe alternativa e fundit ngelet qumështi i formulës.
Por a mund të përzihet ky i fundit në një biberon bashkë me qumështin e gjirit?
Përgjigja është jo! Rekomandohet që të bëhet në mënyrë të ndarë për arsye se fëmija mund të mos e pijë te gjithë sasinë e qumështit që është perzier. Dhe duke qënë se qumështi i formulës duhet të derdhet në rast se nuk përdoret do të shkojë dëm ai i gjirit.
Nga ana tjetër përzierja e qumështit të formulës në një biberon me të gjirit mund të krijojë c’rregullime të nivelit të proteinave, kalciumit, fosforit edhe zinkut. Prandaj rekomandohet ushqyerja me dy lloje qumështi patjetër në mënyrë të ndarë.
